مدامك بالعراق لازم تهمبل وتجذب هع

مرحباااااااااااااااااااااااااااااااااااااااااااااا اااا
فد يوم من الايام امي دزتني اجيب معجون لأن تريد تطبخ مركة هوة صفرة واني امشي طفرت رحومة كدامي جان تكول سندباد واخيرا وجدتك اين علاء الدين اخبرني بسرعة و الا قطعت رأسك كتلهة يا سندباد يا بطيخ اني مو سندباد كالت هل تظن انني قشمر استطيع ان اميزك من الطشت الذي فوق رأسك ثم ضحكت ضحكة اللة يستر منهة و أللة بالمكنسة وراية واني دا اركض 120 باللوفة جان اشوف ساسوكي و جامبو الجبار واني رأسا ختلت وراهم وكتلهة شنو لان شفتيني طويل كلتي هذا سندباد وطفر ساسوكي وكال شنو السالفة كتلة عمو ساسوكي هاي رحومة تركض وراية وتكول انت سندباد بلة بشرفك هذا شكل سندباد لو شكل واحد رايح يجيب معجون لأمة
ودارت المعركة بين
رحومة VS ساسوكي
واستمرت 3 ساعات متتالية وانتهت بالتعادل السلبي 0-0 بين المكسيك وجنوب افريقيا في نهائي كأس العالم ( هاي هم جذب لان تعالو 1.1 هع ) وتعب كل من ساسوكي ورحومة لكن بخطة شريرة قامت رحومة بشحن قوتها بشاحنة مال نوكيا n 96 وهزمت ساسوكي بحيلة ماكرة وفجأة ما احس الة كلاص مي بارد ( شوفو كلمة بارد هاي من ادق تفاصيل الجذب بالعراق لان بالعراق وين اكو مي بار وكهرباء ماكو هع ) على وجهي وامي تكول كووووووم الساعة 12 الظهر