نعيّد احنه بملابس والدي المات

بأول ابتــدائــي وجــنــطــتي خــيــوط

ومــن بــين الكــتب عــطر الفــقر فــاح

كــباب تــلــوك بالــفــرصــة التــلامــيذ

وآنــي اگــرط غــفــل بالفرصة مسّــاح

ولأن تــفـّــاح اشــوفـــن بــالــقــراءات

ولأن مــسكــين ابــويــه وچــان فــلاح

واعــــدنــــي إذا انــــجــح بــالــدروس

يــشــوّفــني طــفــل وبــأيــده تـــفـّــاح

شگــد قاســي الزمــن من چنـّـه أطفال

يــسكـّــتــنه بــكــثر مــا چــنـّـه وكـّـاح

نصيــحن حــيل چنـّـه بهــمـّـت اطــفال

بــس مــن التــعــب مـا يــطلع صــياح

ردت آكـل واشــبــع واســمــن بــيــوم

لان من عوزي جسمي بضعف الرماح

ومن جوعي بچـيت وشو عكس صار!

ضعــف جسمي لان منـّـي دمــع طــاح

گضــينه وجسد ما ظــل نــص الهـدوم

عــلينه العــايــن يــحــسّــبــنه أشــباح

ليــش بــحلمي طــعم المـاي مــمــلوح

حتــى بـنومــتي وتــلحگــني الامــلاح

وفــز لــن الشربــته بحلمي مــو مــاي

طــلع دمــعي تــبده بحــلگي من ســاح

بطرگ بــيــبانــه بــيتي وبــعنه الاثاث

ونبــيــعــن بــاب كــلما جــانــه طــلاب

ولان بـيباني بــردة و وكــتي مــن نـار

خــله بــيتي وفــرغ حـتى من الابـواب

رث الثــوب يــبــقــى شــما غــسـلــناه

قــديــم اولو نحــطـّـه بــصف الاسـلاب

خبــز يــابــس اكِـــلنه يشگــ الحــلوگ

چــن ســيف الخبــز وحــلوگنه ارگـاب

اجــتــنه ايـّـام ســوده بــسود الـغــراب

ردنــه مــن التــضـايــق نــاكــل تــراب

برمضان الفـقر... طگ طــوب الإفطار

وعــلى السفــرة طرفــنه تبايــد ونــاخ

وعــلامات التــعجـّـب فــوگــنـه تحــوم

لان يــمنه عــدس بــس مـاكو طــبّــاخ

دخــنه مــن التــضــور واحــنه طــلاب

وعلى موقــفنه سگــف البيت هــم داخ

ولــومــا نــخــاف الله وچــنـّـه إخــوان

يــمــكــن چــان واحــــد يــاكــل الــلآخ

طلعــت..رجعــت امّــي محمّــله اعــذار

گــالــت مــحــرجــة....بـأعــذارها الآخ

هــذا إلـّـي انــفجــر مو مــدفع إفــطار!

ابــن جــيــرانه يــطـگ بــيــده نــفـّـاخ

يــيمّــه انـّــكس راسچ بالعجل ليــش؟

وإنــتي المــا تهــزچ بالعــصف ريــح

عبــر وكت الفــطور او صلـّـت الناس

وجــاي تــكـبّــر اصــوات التــراويــح

وصــح الجــوع نــار او ولـدچ إصغار

وصــح أبطونهم مــن جوعها تــصيح

بــس أنــطــيح كــلنه لوســخ رجــليچ

ومــا نــقبل عــلينه دمــوعچ تــطــيح

وشبّــينه وحــضــنـّـه القحط والجــور

وحظنـه وي الفـقر دهـن ودبـس چان

امّــي اعله العــرب تاخــذنــه وتــروح

تجــمع صــوف وتحــوكلنـّـه قــمصان

ولان صــارت الــدنــيا بلــون الــرماد

شــفنه اشكال بــس ما شفــنه الــوان

احــلــم بــالنــهــار آكــل خــبــز حــار

ويجيني الليــل واحــلم إنـّـي جــوعان

ونـعيّــد احنه بــملابس والــدي المـات

ولان اگــصار اديــنه انگــص الــردان

وإذا خــطـّـار اجــانه تــذوب الگــلوب

لان اهــدوم ابــونــه تــصير حــصران

ومن گد ما صـدرنه انتــرس حســرات

الهوى لمّــن نــشهگه نــزفــره دخـّـان

حــاقد عــل فــقر مــو حــقــد بــنصاف

كــثر مــا حـاقــد اعله البـعــث عــريان

لحــز راس الفــقر بفــطور الــچــفوف

إذا تــحــول أمــامـي بــهــيــئة إنــسان

موضوع روعة تحــــــــــــــــياتي

ع ـأشت الايـ أأددي
ع ـألكلممات الححلوهـ.
تححياتي