غصـــة بحيـــاتي صبــــح فركـــاك
ومـــل الصبر مني وملت سنــيني
ما اكــــدر ما احاجيك وانــت گلبي
وصعب كلش عنك اغمضها عينـي
مو بيدي عفتك واتركت شخصـــك
لاتعذبني هــواي ارحمني حاجيني
صح عفتــــك ورحت بعيد عنــــك
بس ماعفت حبك ابد يانور عينــــي
لاتحاول تغـــــض طرف العين عني
ولتفكر بيوم انســـــاك يا ناسيني
لا تنگر حبـي الك .. ولا حبــك الــي
أيام العمر تحجيلك الماضي وجماله
عليه تخاف حيل وتفديني بروحـــك
شجاك اتـــركتني واتغيـرت الحالــه
تذكر من جنت تحــــزن على فركاي
وهسه لاسؤال ولا كلام ولارســـالة
شلونك احوالك محيتها من القاموس
ولاحتى اخباري تعــــرفها أستحالــه
لا تكفــــر بقانون الذكـــريات ارجــوك
لان كل حبيب الــــه اشواقه ونوالــه
اتمنى منك تجي بس مـــرة بس يوم
تجي وتكول شلونه هذا شلون حاله
تجي وتكول شلونه هذا شلون حاله
السبت 14 مايو 2011, 9:11 pm
