جــــــرب صـــاحبــــك
بين معدنك بس فركتك بأيدي
اطلعت انتة شبه لامو ذهب صافي
مغشوش وتغش كلمن يجي يمك
ماتوافي لصاحبك لا ابد متوافي
آنة ضهرك حميتة وانتة ماموجود
اشلون اتعوفني والرمح بجتافي
اسف يا للأسف يل جنت اضنك زين
وبيك اوصاف ابد ماتشبه اوصافي
اوصاف الزينه بس عالزينين ترهم
شنهو الغيرك واصبحت اتجافي
دور روح دور مثلي ماتلكة
ومثل حضني ابد ماتلكة حضن دافي
ولا ملكة اليسرك مثل ملكاي
ومن تخسرني صدك اتكضي عمرك حافي
ياسامع الصوت يل ما تريد تخيب
لتصاحب نذل يطعن ضهرك بأنيابة
اذا رايد تصحب صاحب اهل الطيب
لتصاحب ردي كل عشرته اطلابة
وجرب صاحبك لو رايد اتخاويه
واعرف نيتة وكلشي احسب احسابة
اذا صاحب صدك مو بالطمع وياك
ثق بالله اظن ينزعلك اثيابة
واذا صاحب غدر ميهمة يغدر بيك
ثق طبع الغدير يطعن حتة احبابة
ياسامع الصوت افهم كلامي زين
يحتاجلة غربيل كلمن يختبر اصحابة
ساعتهة يكتشف اصحابة زين وشين
ويتجنب من اصحاب غدرهم غدر الذيابة
(منو بكم انغدر بصديقه
السبت 21 مايو 2011, 4:00 pm
