وش فيك يا حبيبي شايل همـوم وضايـق
ما يكفي أني معـك دوم وأحبـك بجنـون
أنسى الهم وخلني أشوفك مستانس ورايـق
وتذكر أني معك دوم أنا وقلبـي والعيـون
يا حبيبي ثوب الحزن عليك ماهـو لايـق
شيله من حياتك وخل احبابـك يفرحـون
أبتسم يا حبيبي لا تشعل بالجوف حرايـق
ترى حزنك من حزني لا تخليني محزون
مارضى بشوفتك على هالحال وماني طايق
يا حبيبي لا تكدر مزاجك تراك ما تهـون
تعلقت فيك وعشقتك مـن بيـن الخلايـق
وأختارك قلبي وحبك وحالف أنه مايخـون
أهوجـس بـك أن أبتعـد عنـي دقايـق
مالي غيرك وغير حبـك فـي هالكـون
أحبك وأعشقك وأن كنـت تبغـي وثايـق
تذكر أيامنا الي عشناها بفرحه يالحنـون
الخميس 29 ديسمبر 2011, 6:54 pm
