اريد اكتب قصيدة وكون تسمعها ________وشوف شكد عشك شايل ابمطلعها
قصيدة بس الك اخفيها عن الناس_______بس يمك اجي ويمك اطلعها
اسولف بيهه كلشي ومااضم عليك-_______وعلى جفوف القوافي اسراري اوزعها
كلبي بيه اسرار محجيه من اسنين_______اذب احجابها بحضنك وفرعها
دفنت نوحه روحي وتعنت ليك________يبوا جفوف الحرير ارحم مدامعها
جوعانة شكثر للعشك صار هواي_______بلذة شوك روحك روحي اشبعها
كطرت مطرت طاحت روحي وانت الكاع_____ترجع للغيوم اشلون اقنعها
يالفكيت بابك لاتسد الباب_______وعلي لو مو قفل رزاتك اشلعها
يالطبعك نحل لو عسل لو لدغات______ياهي تصح منك ما نرجعها
روحي معلعلة وما صدكت تلكاك______صدك حتى اذيتك يعني تنفعها
نور النور نورك شاشعل الملكاك_______روحي تحيرت ياحجة تصنعها
اشعلك اشموع عشرةشتضن شتفيد_______اخلى اضلوعي مشعولة واصابعها
منقول
الخميس 12 يناير 2012, 12:17 pm
