تعالوا شوفو الشباب من يروحون للجامعه شيسوون

[

اول شي طبعا كالمعتاد امة تصيح عليه 32 مرة وتبقى تصيح الى ان
يكعد الاخ من النوم ( والمشكلة ياريت يسمع )
مرة مرتين .... كَولوا يكعد بعد ما بلعوم امة انشحط ابوه ابوه

راح على اساس دا يغسل وجه ( طبعا اي صابونة يلكاها على المغسلة يغسل بيها وجهه ان شاء الله صابونة اماعين ماعندة اي مشكلة )

اجه دا يريد يلبس ( تلكة على كل قميص مكتوب عليه يوم معين .. القميص
الابيض ليوم الاحد والسمائي ليوم الثنين والبنطرون الجوزي ليوم الثلاثاء ..
( مو هو مايريد يكرر القطعة الوحدة اكثر من مرة بالاسبوع اي شعبالكم )

على العموم وبعد عناء طويل شاف المعدل شحيلبس ورساله على بر واخيرا
طبعا الجينز خطية تكول جينز حماميل البلدية مسحوت ابو ابو حتى جينز البنة هماتين ميصير هيج

لا والطكَع على ساعة يوكع من - الخصر النحيل -
القميص لا تجيب طاريه راح ينفتك من الجتف من كد الضيك ........ !!

وصلنة الى اتعس نقطة الا وهي نقطة الشعر .......
راح يم المغسلة او اي مراية قريبة يخلصلة نص العلبة مال جل ويخبط اشوية دهن وياة بحيث الشعر ايصير طابوقة

يلزم المشط وشعرة شعرة يدهنها ويصفط وحدة يم اللوخ
]( على ان لا تبعد كل شعرة عن الاخرى بما لا يزيد عن 2 سم )

وبعد ما صار الراس عبارة عن معمل (دهن سيارات) وازاد وزن الجسم 2,5 كيلوغرام

وصلنا لمرحلة الحذاء طبعا الجواريب لو الماما تغسلها لو تلكه 67 زوج مشمور جوا الفراش
( مستحيل يغسل جواريبة الاخ ومستعد يشتري 5 ازواج كل اسبوع بس ميغسلها )

****

كولوا طلع برا اجرله كية المسكين وانجبس بين 13 نفر وخايف على شعرة من هوا الشباك اخاف يطير وبالاصل انت لو تجيب هليكوبتر يهفي على راسه ما تطير منه شعرة من ورى الدهن )

دخل للجامعة يحس نفسة توم كروز العراق ......... اول الصبح ما يقلد ويسلم من ورى خشمة وما عاجبة العجب

يروح بكل تاني للكافتريا ويطلب استكانة جاي (سوالف مال حدايق) ويطلع الجكاير
ويكعد يتصرف كانه كزنوفا بالرومانسية والرقة ..
( استكانة الجاي بالبيت تخلص ورى نص دقيقة بس بالكافتريا تخلص ورى 20 دقيقة !! )

المحاضرة الاولى مو مهمة بالنسبة اله واذا فاتته موجودة ( ساندرا تنطي محاضراتها للاستنساخ)

اجوي البنات من المحاضرة دخلوا االكافتريا تلكاه يعدل الكعدة ويستعد كانه حيبدي يصور فيلم ينعرض قريبا في سينمات هوليوود

يخلص باكيت الجكاير وتخلص قواري الجاي وهو كاعد مسوي نفسه الهائم العاشق الحزين ذو القلب المنكسر
( جذاب لاتصدقوا الحجي للبنات طبعا )

العين عبارة عن رادار لاقط يفتر من 4 جهات 24 \24 ساعة في الكعدة

كامت وحدة حلوة وطلعت من الكافتريا المسعدة الاخ صاحبنة قرر واخيرا يشلع نفسة من الكرسي وصار يمشي وراها
( مو هو البدي كارد مالتها )

منا منا وصل الها

- صباح الخير ساندرا
( والابتسامة الخلابة لا تفارق وجهه الفاهي )

هلو شلونك

- شخبارج ويا الدراسة
( هذا السؤال يتكرر كل يوم الصبح يعني بحيث بالاخير قرر يخزنة بالموبايل تجنبا للتكرار )

اني زينة انت شلونك - طبعا المسكينة مستحية -

- اني بس ردت اطلب منج دفتر الادب لان اليوم مكدرت احضر المحاضرة الاولى
تعرفين بس اني عندي سيارة واصدقائي يردون يصعدون ويايا اوصلهم ( كام ايطير فيالة )
اي عادي تفضل
- شكرا اني استنسخه وارجعه الج شوكت اشوفج
(هي اربعة وعشرين ساعة موجودة لو بالاكافتريا لو بالقاعة )

اني تلكاني بالكافتريا
- ماشي شكر
العفو

( طبعا لا يستنسخ ولا شي جذب والدليل لما تجي الامتحانات تلكاه يكل لبو الاستنساخ استنسخلي من البداية لحد النهاية !!! )

كولوا رجع الدفتر لساندرا بعد كلام طويل وعريض يرادله موضوع على حده حتى اكلكم شنو كال وشكلتله

يوصل للبيت يلبس البجامة ويركض جنه كَلوله ترى المنطقة بيها وباء وركض على
اقرب ساحة لعب طوبة ومتلكاه الا ساعه 12 يدخل للبيت كبل لنوم
لا دراسة ولا هم يحزنون

وعاشو عيشة سعيدة

لتزعلون شباب تره اني مكَلت شي ههههههههه

ههههههههههههههههههههههههههههههه
حجيج كلام انتي
شنو هايي
هع هع هع هع
يسلمووووووووو قلبوشتي على الموضوع اكثر من روعة
تعالوا شوفو الشباب من يروحون للجامعه شيسوون 43101_1212918068

تعالوا شوفو الشباب من يروحون للجامعه شيسوون 43101_1212918068

هههههههههههههههههههه يجنن يسلمووووو ع الالاختيار المميز تحياتي

هههههههه

كلش حلو الموضوع والله صدك هيج

شباب هالوكت..بس موكلهم سوه..

خطيه نكسر ونجبر.حتى ميزعلون.هههههه

يسلموووووووووووو
على الموضوع الجميل
وتحياتي لكم

» ياحلوين تعالوا رحبوا بالعضوالجديد...
» هلوووو حبايب تعالوا وياية نرحب بصديقنة الجديد ahmed_83
» معاناة الشباب من وره البنات هههههههههههه
» علاجات حب الشباب للبشرة الدهنية